SUNDA SYAHADATAIN, PATOKAN MA’RIFAT, TASHDIQ SARENG SEGAT TASDIQ

Ieu teh mangrupakeun salah sahiji materi nu kaitannana jeung elmu tauhid. Isina ngeunaan syahadatain, ma'rifat, tashdiq, jeung segat tashdiq.

أَشْهَدُ اَنْ لَا اِلهَ إِلَّا اللهُ – وَ أَشْهَدُ اَنَّ مُحَمَّدًا رَسُوْلُ اللهِ

أشهد : Neqadkeun abdi kalayan ma’rifat sareng tashdeq.

أن: Kana saestuna kalakuan sareng tingkah.

لا اله: Teu aya deui Pangeran anu maojud anu wajib diibadahan anu haq dito’atan parentah sareng laranganana.

الا الله: Anging Gusti Allah.

و أشهد: Sareng neqadkeun abdi kalayan ma’rifat sareng tashdeq.

أن محمدا: Kana saestuna Kanjeng Nabi Muhammad.

رسول الله: Eta utusan Allah.

Ari patokan Ma’rifat eta kieu:

ٳدراك جازم بحيث لايقع معه تردد موافق للواقع ناسع عن دليل

Hartosna:Pamanggih anu jazim nu teu keuna owah gingsir anu akur jeung buktina nu timbul tina alesan.

Ari patokan Tashdeq eta kieu:

مع الإدعان و القبول

Hartosna: Dibarengan pangakuan sarta panarimaan.

Ari Shegat tashdeq eta kieu:

رضيت بالله ربا و بالاسلام دينا و بمحمد نبيا و رسولا و بالقرآن إماما و بالمؤمنين إخوانا

Hartosna:

رضيت: Ridlo abdi

بالله: Ka Gusti Allah

ربا: Abdi mangeran

و بالاسلام: Sareng kana agama Islam

دينا:  Abdi ngaagami

و بمحمد: Sareng ka Kanjeng Nabi Muhammad

نبيا: Abdi nganabi

و رسولا: Sareng abdi ngarosul

و بالقرآن: Sareng kana Al-Quran

إماما: Dipake padoman

و بالمؤمنين: Sareng ka jalmi anu iman

إخوانا: Abdi duduluran.

NADZOM SYAHADATAIN

Syahadat dua bagian

Kahiji Syahadat syar’an

Kadua Syahadat Munjin

Kade kudu telik pisan,

Ta’rifna Syahadat Syar’an

Kadar-kadar nu ngucapkeun

Kalimah Syahadataen

Henteu nilik patekadan,

Manfaat Syahadat Syar’an

Bisa disebut mu’minin

Mungguh hukum kadunyaan

Kaya halal peupeuncitan,

Halal ditikahkeunana

Ka jalma anu Islamna

Jeung halal nampa warisna

Ti jalma anu Islamna,

Ari mungguhing Allahna

Jeung mungguhing akheratna

Kudu terus jeung munjina

Engke penjelasanana,

Kanjeng nabi tos nyaurkeun

Anjeun kudu ngahukuman

Ku dzohirna caritaan

Jeung dzohirna kalakuan,

Jeung teu kudu ngahukuman

Nu dina hate disimpen

Da taya nu uningaeun

Salian ti Dzat pangeran,

Lamun dzohir kalakuan

Atawa dzohir ucapan

Aya anu ngabatalkeun

Nu disebut pamurtadan,

Batal Syahadat Syar’anna

Sanajan ngucapkeunana

Kana kecap Syahadatna

Laku ucap nu murtadna,

Kaya asup ka gareja

Dibarengan ku ngahaja

Atawa nyembah berhala

Kaya patung nu baheula,

Ta’rifna syahadat munjin

Eta jalma nu ngucapkeun

Kalimah Syahadataen

Dibarengan patekadan,

Teqad anu ma’rifatna

Jeung teqad anu Tashdeqna

Netepan kana syaratna

Ma’rifat reujeung Tashdeqna,

Ari syahadat ma’rifatna

Kudu kumpul nu opatna

Kahiji teqad jazimna

Pateqadan nu yaqinna,

Lain teqad nu raguna

Atawa dugaanana

Anu teu aya mangmangna

Tapi gilig jeung yaqinna,

Ari syarat kaduana

Teu keuna owahgingsirna

Moal barobah teqadna

Hingga dugi ka maotna,

Lamun neqadkeun ayeuna

Sabot usum jeung baturna

Jaga mah kumaha engkena

Mumkin teqad rek robahna,

Kafirna teh ti ayeuna

Da arek owah gingsirna

Henteu jadi ma’rifatna

Mungguhing Gusti Allah-na,

Syarat anu katiluna

Anu diteqadkeunana

Kudu akur jeung buktina

Henteu nyalahan sifatna,

Sifat ceuk Ahli Sunnahna

Nu aya Quran Hadistna

Teu salah metakeunana

Akur reujeung ‘Aqo’odna,

Margi kitu diwajibkeun

Nu hayang Syahadat Munjin

Nyaho kana ‘Aqo’id Iman

Bisis jeung ‘Aqo’id nyalahan,

Lamun jazim jeung teqadna

Yen Allah Pangeranana

Yen Muhammad teh Rosulna

Ngan teu akur jeung buktina,

Allah nu nyurup na badan

Bumi langit panyurupan

Di dinya Allah nyicingan

Atawana dihijikeun,

Eta teqad nyulayaan

Reujeung buktina Pangeran

Da Allah henteu butuheun

Kana tempat pingancikeun,

Nu kitu salah teqadna

Henteu akur jeung buktina

Henteu sah Iman Islamna

Mungguhing Gusti Allahna,

Syarat anu kaopatna

Kudu terang kana dalilna

Anu teu terang dalilna

Eta teu sah ma’rifatna,

Ari ceuk Ibnu ‘Arobiy

Jeung pendapat Syeh Sanusi

Anapon ceuk Syeh Dasuki

Taya dalil Ma’rifat jadi,

Dalil kadar kawajiban

Lain syarat kama’rifatan

Pikeun jalma nu kadugaeun

Kana dalilna mikirkeun,

Kadua Syahadat Munjin

Kudu tashdeq nu ngucapkeun

Tashdeq aya dua rukun

Kahiji rukun Idz Dzi’an,

Idz Dzi’an eta ngakukeun

Ka Allah kuring mangeran

Ku Muhammad dinabian

Muhammad teh Rosul kuring,

Rukun tashdeq kaduana

Nyaeta kukdu Qobulna

Narima ajaranana

Ti Allah jeung ti Rosul-Na,

Mun can bisa ngalakonan

Tapi hate mah nampanan

Rumaos kalelepatan

Eta qobul sahna Iman